لي متين انحنا حنفقد اخوانا وشبابنا بالطريقه دي

يا شباب الحاصل كالاتي اخوي اسمو (المؤتمن الفاتح العطايا) دا كانو فاتحين فيهو بلاغ قبل خمسه شهور وطلع منو برآءه

يوم الثلاثاء الموافق /. . 22/5 /2021قامت قوات الشرطه باستدعائه بالهاتف لكي يحضر للقسم للتحري في قسم شرطه امبده وسط بعد ما وصل القسم تم ادخاله الحراسة من دون اي بلاغ وبدون ما زول يجي يقول ليهو انا جيت هنا عشان كدا ولا كدا

المهم قعد في القسم لمده ثمانيه اياااام متتاليه المهم اخوهو مشئ ليهو القسم يوم الثلاثاء الموافق 29/5 بعد صلاه العصر المهم كان في ملازم اول شرطه يدعي هشام طرد اخو المؤتمن من القسم وكتبو تعهد بعدم دخوله القسم مره اخرئ وبعد صلاه العشاء بالظبط تم الاتصال لي اخوهو الكبير من تلفون المرحوم وأخبروهو بي انو اخوك مات وتعال استلمو من المشرحه لحدي م وصلنا المشرحه لقينا الجثمان توجد به اثار تعذيب كتيره في عده مناطق في الجسم سالنا ناس المشرحه قالو جات دوريه شرطه فيها الملازم اول هشام نزلو الجثمان ومشو تحت بلاغ تحت المادة 51 إجراءات (الوفاء في ظروف غامضه)

بعد داك اتضح انو من القسم ودوهو مستشفي امبده واتوفي هناك وفي التقرير الطبي مكتوب انو اتوفي من اثار ضيق نفس وحمي وكدا وتم تكوين لجنه. للتشريح فكانت حوالي الساعه 11 مساء وقالو اللجنه بتجي الصباح الساعه 10 فانتظرنا اللجنه جات الصباح وتم تشريح الجثمان وتم تحويل البلاغ من 51 الي البلاغ 130 القتل العمد من قبل وكيل النيابه بعد وجود ان سبب الوفاء هو اثار ضرب وان السبب الرئيسي هو ضربه قويه في الرأس والآن تم فتح عده بلاغات وننتظر تحقيق العداله والقصاص من المتهمين وكل المشاركين في التعذيب